Հարձակվել են Արծրուն Հովհաննիսյանի վրա

1956

Երկու անձ հարձակվել է Արծրուն Հովհաննիսյանի վրա, նա դիմել է ինքնապաշտպանության։ Այս մասին իր ֆեյսբուքյան էջում հայտնել է ՊՆ նախկին ներկայացուցիչը։ Նա մասնավորապես գրել է․

«Ամսի 9-ից սկսած ստանում եմ տարբեր սպառնալիքներ, բայց բանի տեղ չեմ դրել: Նույնիսկ ակնհայտ հաշվեհարդարի կոչերին չեմ արձագանքում: Ոստիկանությանը մերժեցի բողոք ներկայացնել այդ մարդկանց դեմ: Երեկ գիշեր երկու անձ վրաս հարձակում գործեցին, բարեբախտաբար կարողացա ինքնապաշտպանվել: Որևէ մեկից չեմ վախենում և որևէ մեկին էլ ինձ թշնամի չեմ համարում: Սակայն քանի որ այսօր էլ շարունակում են հաշվեհարդարի կոչերն ու սպառնալիքները, քանի որ որոշ տեղերում ինձ հետևում են, ստիպված եմ դիմել ոստիկանություն»: