Իրանը բացահայտել է Ջաբրայիլը և Հադրութը գրավելու մասին Բաքվի սուտը

1141

Այսօր առավոտյան իսրայելական արտադրության Harop հետախուզական անօդաչու սարքը խփվել է Իրանի տարածքում՝ Արդաբիլ նահանգում: ԱԹՍ-ն վթարի է ենթարկվել սահմանամերձ Պարսաբադ քաղաքում, հայտնում է Infoteka24-ը:

«Harop-ը՝ «Սիոնիստական ռեժիմի» արտադրանքներից մեկն է, որը Ադրբեջանը գնել և օգտագործել է ղարաբաղյան պատերազմում», — գրում է իրանական Miranpress-ի Telegram ալիքը:

Միևնույն ժամանակ, հեռուստաալիքը նշում է հետևյալը. «Հետաքրքիրն այն է, որ Բաքվի Հանրապետությունը պնդում է, որ վերցրել է Ջաբրայիլը և Հադրութը: Այնպես որ, պատերազմի ճակատը պետք է լինի Ասլանդուզի մոտակայքում, այլ ոչ թե Պարսաբադի: Այսպիսով, այս անօդաչու թռչող սարքը կա՛մ երկիր է մուտք գործել դիվերսիայի համար, կա՛մ էլ Հայաստանը մեծ առաջընթաց է գրանցել ու հասել Պարսաբադ»: